Articles

የኢትዮጵያ ሲቪል ሰርቪስ ዩኒቨርሲቲ በኦሮሚያ ክልል  በምእራብ  ሸዋ ዞን በወሊሶ ካምፓስ ያስገነባዉን  ደረጃውን የጠበቀ ለመዋዕለ  ሕጻናት አገልግሎት የሚውል ህንጻ ለከተማ አስተዳደሩ  ርክክብ ሊያደርግ ነው።

ዩኒቨርሲቲው በወሊሶ ከተማ በማስገንባት ላይ ካለው የወሊሶ  ካምፓስ ግንባታ  ጎን ለጎን በልዩ ትኩረት በማከናወን ላይ ባለው የማህበረሰብ አገልግሎት መሰረት ለአካባቢው ማህበረሰብ ልጆች የትምህርት  አገልግሎት የሚውል የመዋዕለ ህጻናት  ህንጻም ሲያስገነባ  ቆይቷል፡፡ የዩንቨርስቲው የሥራ አመራር ቦርድም የመዋዕለ ህጻናቱን  የግንባታ ሂደት ከጅምሩ ጀምሮ በልዩ ሁኔታ እና በአካል ቦታው ላይ በመገኘት ጭምር ሲከታተለው የቆየ ሲሆን በተደረገው ክትትልም የግንባታ ሂደቱ በታቀደው ሁኔታ ተጠናቆ ለ2016 ዓ.ም የትምህርት ዘመን  የመማር ማስተማር ሥራው ለማስጀመር  ዝግጁ እንዲሆን ተደርጓል።

በ2015 ዓ.ም የ12ተኛ ክፍል መልቀቂያ ብሔራዊ ፈተና የሚወስዱ በኢትዮጵያ ሲቪል ሰርቪስ ዩኒቨርሲቲ የተመደቡ የማህበራዊ ሳይንስ ትምህርት  ዘርፍ ተማሪዎች ወደ ዩኒቨርስቲዉ መግባት ጀምረዋል ።በነገው እለት ተጠቃለው እንደሚገቡም ይጠበቃል ።የቅበላ ሂደቱም ከዛሬ ሐምሌ 17/2015ዓ.ም ጀምሮ እስከ 18/2015ዓ.ም ለተከታታይ ሁለት ቀናት የሚካሄድ ይሆናል። 
ሐምሌ18/2015 ዓ.ም አጠቃላይ ስለፈተናው ሁኔታ ለተማሪዎች ኦሬንቴሽን ተሰጥቶ ከሐምሌ 19 እስከ 21/2015 ዓ.ም የመጀመሪያው ዙር የሶሻል ሳይንስ ተማሪዎች ፈተናቸውን እንደሚወስዱ ይጠበቃል። 

 ተማሪዎች እንኳን ደህና መጣችሁ !