February 2025

የኢትዮጵያ ሲቪል ሰርቪስ ዩኒቨርሲቲ (የኢሲሰዩ) ከኢፌዴሪ የትምህርት ሚኒስቴር ጋር  በተፈራረመው በቁልፍ ተግባር አመላካቾች አፈጻጸም  መሰረት፣ ለ130 የአካዳሚክ አመራሮች በቁልፍ የውጤት አመላካቾች የአተገባበር ስልቶች ላይ ትኩረት ያደረገ  የሁለት ቀን ስልጠና ተሰጠ፡፡

የኢትዮጵያ ሲቪል ሰርቪስ ዩኒቨርሲቲ ቁጥራቸው 20 የሚሆኑ መምህራንን ለአንድ አመት አሰልጥኖ በከፍተኛ ዲፕሎማ ጥር 29 ቀን 2017 ዓ.ም አስመረቀ፡፡  

በምረቃ መርሃ-ግብሩ  ላይ ተገኝተው የከፍተኛ ዲፕሎማውን ሰርቲፍኬት የሰጡት የዩኒቨርሲቲው ፕሬዘዳንት ፕ/ር ፍቅሬ ደሳለኝ፣ የእንኳን ደስ አላችሁ መልእክት ካስተላለፉ በኋላ፣ ስኬት ማብቂያ የሌለው የህይወት ጉዞ መሆኑን ገልጸው፣ "ይህንን ስልጠና በመውሰዳችሁ እንደ አንድ ምሁር ዋጋችሁን ከፍ አድርጋችኋል፤ አቅማችሁን ከፍ አድርጋችኋል፤ አቅማችሁ ከፍ ሲል ዋጋችሁም ከፍ ይላል፡፡" በማለት ተናግረዋል፡፡ አስከትለውም ስልጠናው ለዩኒቨርሲቲያችን መምህራን የማስተማር  እና የምዘና ስነዘዴዎችን ዘመናዊ በሆነ ጥበብ እና ሳይንስን መሰረት በማድረግ መተግበር እንዲችሉ አቅም የሚፈጥርላቸው መሆኑን፣ በመማር ማስተማር ስራ ላይ ችግር ሲያጋጥም  ችግሩን በምርምር ለመፍታት የሚያስችላቸው መሆኑን ገልጸዋል፡፡